La Tufsidu Fil Arz - Story of Robin Hood

By

Surah Baq’rah me Allah taala jub Munafiqeen ki Nishanyaan ginwa rahy hoty hen humain to wahan aik nishani ye bhi bataty hen k jub Munafiqeen ko kaha jata he k Dunya me fasaad na phelao to wo kehty hen k Hum to Faqat Islaah kr rahy hen.



Bachpan me hum ne aik Story parhi hogi. Robin Hood wali. Robin Hood wo character that Jiska Motto “Steal from the rich and give to the poor” tha. Wo Aik Normal sa insaan tha, Aik Ghareeb Insaan. Magar Wo aik Philanthropist (Insaanyat ka khair khwa) tha. Apny Country k Castle and Ameer logo k gharon se raat ko cheezen chori krta tha and wapas akr Ghareeb logo me baant deta tha.

Aaj Kal bhi is tarah k kitny “Robin Hood” paye jaty hen dunya me jo wese to hum se kehty hen k wo Power Balance ko restore krna chahty hen, magar asal me wo fasad phela rahy hoty hen.

Fasad! Yahan Fasad sirf Firqawaryat, Larai Jhagry, Dast o Garebaan hony k meaning me use nahi hua. Yahan is Lafz “Tufsidu” k meanings kafi broad hen. Aur ye mjhy bhi pehli baar hi pata chal rha he. Yahan Fasad se murad hr wo Amal he jo Hukm-e-Ilahi k khilaf he. Aur Allah k Hukm k munafi hony se murad Sunnat-e-Muhammadi (Saww) k khilaf hona he. Aur Sunnat k Usoolon k against honay se murad Amal-e-Sahab (R.A) k khilaf hona he. Yaani Jo bhi amal, Allah k Hukm, Nabi (Saww) ki Sunnat aur Sahaba (RA) k Amal k against he wo Fasaad he. Phr chahe uski 1000 daleelain hi kyun na di jayen, Usky kitny benefits hi na ginwa diye jayen, wo rahega Fasaad hi. Aur Fasad barpa krny wala Munafiqeen ki category me fall krta he.

Nabi (Saww) k farman k mutabiq to Agr Hazrat Fatima (RA) bhi chori krtin to unk bhi haath katny ka hukm dia jata. To aap ye batiye k ye “Robin Hood” kya cheez he? Bazahir to wo aik Philanthropist he, mgr kaam to wo bhi Allah aur Nabi (Saww) k Aihkaam k khilaaf hi kr raha he na? Aur Sirf Amal hi nahi, phr jub us se koi kehta he k Fasaad na phelao to kehta he Main to Islaah kr raha hu.

Buht Sada mgr Buht Far-reaching consequences wali baat he ye. Kitni baar aisa hota he k hum koi kaam kr rahy hoty hen aur dil kehta h k ye ethically ghalat he, Sunnat o Sharyat k khilaf he (Agar humary pass uska knowledge ho to), Magar hum usy justify kr rahy hoty hen, Khud ko tasalli dety hen k Kaam to ghalat he magar main kisi ka faeda kr raha hu. Chori to Ghalat he Mgr Ghar walo k liye rizq ikatha krna sawab he na? Sifarish to ghalat he, mgr kisi ki Zindagi sanwarna to theek he na? Qatal to Gunnah he magar kisi Zaalim ko bazaat-e-khud “Jahanum Wasil” krna to Jihaad he na? Hum kyu aisi Justifications deny k aadi ban gaye hen? Aur bachi kuchi Qasar is “Don’t Judge others” ne Nikal di he. Khudara Judge krna band na kren, Judge kren, Magar Allah k Hukm aur Nabi Pak (Saww) ki Sunnat ki Roshni me. Aur Judge krny ka mqsad zehn me rkhty huye, k aap agar kisi ki koi habit buri smjhty hen to usy akely me btayen, uski islah k liye, na k uski shakhsyat ka aik mangharat khaka bna kr beth jayen. Apni Zaat aur Apni Society me chuppay in “Robin Hoods” ko identify kren. Aur phr khud ko aur ho sky to doosron ki ankhon se bhi ye patti utarny ki koshish kren. Quran-o-Sunnat k Khilaaf ja kr koi Islaah nahi hoti. Sirf Fasaad hota he.


Talib-e-Dua

Comments

  1. alenfourtoa9 April 2025 at 02:58

    Very nice design and style and fantastic subject matter, very little else we want : Quran

    ReplyDelete

Post a Comment

Popular posts from this blog

Fee Sittate Ayam - 6 Days

By 2 comments
Image
Quran me buht baar ye alfaz humain parhny ko milty hen “Jis ny banaya Asmaan aur Zameen ko 6 dino me phr Arsh pr ja thehra”. Ab yahan aik sawal uth’ta he, 6 Din? Allah chahta to isy “Kun Fayakun” keh kr aik lamhay me bana deta, to 6 din kyu lgaye gaye? Surah “Haa meem As-sajda” ya “Surah Fussilat” Parhi jaye to start me in 6 days ka breakup dia hua he. Allah frmata he k Zameen ko 2 din me banaya gaya, phr 2 dino me Pahar, Zameen me Barkat, aur “tamam talbgaaro” k liye is me Samaan-e-Ma’eeshat rakha gya. Ye hogaye 4 Din. Us ky baad Allah Arsh pe ja thehre aur 7 Asmaan bnaye. Usmy se Dunya ka Asman, Pehla Asmaan Beautify kia Sitaro k sath aur ye sb 2 din me hua. Aur ye hogaye Dunya aur Asmaan k liye total 6 Din. Ab Yahan 2 points note krny chahyen. Aik to “Kun Fayakun” Nahi kaha gaya, and secondly buht clear cut timeline banai gai k kub kya aur kesy hua. Allah ne Aisa Kyun kia? Hikmat..! Allah Apni Ayat me Aqal walo k liye Nishaanyan aur Mutaqeen k liye Hidayat rakhta...
Read more

Ud'oo Rabbakum - Moderation in Prayers

By 1 comment
Image
Soorah Al-Airaaf Ayah 55  ka tarjummah parha jaye to aik sawal uthta h k Allah Taala Dua ki baat krty hen k ise Aajzi aur Chupky Chupky mangni chahye aur phr kehty hen k wo Hadd se guzrny walo ko pasand nhi frmata. Hadd se guzrny walay? Kya mtlb? Kuch Ayaat Quran me aisi hen k jinko smjhna aik aam insaan k liye intahai mushkil he. Jub aap un ayat to parho to aisa lagta he k aik hi ayat me shayad mukhtlf baton ko Jorr dya gya h. Hum Muztar ho jaty hen. Aur is curiosity ko harmonize krny k liye koi tafseer parhty hen. Kisi Dost se poochty hen. Ya atleast Zehn me ye irada bana kr bhool jatay hen. Is ayat ko smjhny k liye “Asraar ul Tanzeel” parhni parhi mjhy. Aur is taddabur ka credit us book k author ko jata h. Dua k lafzi Maani aur Usky maaangny k tareeqay se hum sub waqif hen. Ye ayat Humain isi muamly me mazeed guide krti he. Dua sirf Allah se baat krna ya Allah k samny khwahish ka izhaar krna nahi he, blky ye Ibadat bhi he. Yani Guftugu aur Ibadat ko agr...
Read more

Watasimu Bi Hablillahe Jammi’aa - Hiking Expedition

By 1 comment
Image
Hum ne practically khud, ya movies or TV pe dekha hoga k Aik Mountain Hikers ki team jub bhi kisi Mountain pe charhny jaati he to aik lambi si rassi use krti he, jo hr mountain hiker ko aik doosry se connect krti he. Khuda na khwasta agar un my se aik slip hojaye ya gir jaye to Us rassi ki waja se wo bach jata he, kyun uske baaqi “Connected” friends uski help krlety hen. Ab agar un hikers me se aik ne khud ko us se con nect nhi kia hua to Kisi bhi mushkil ki situation me baqi hikers uski timely help nhi kr skengy and wo Nuqsaan utha skta he, yahan tk k Jaan se hath bhi dho skta he. Ye to rahi aik Hiking Mission ki story. Humari Zindagi ka bhi to aik Mission he. Akhrat k liye khud ko tayar krna. Ye bhi to koi asaan kaam nahi he. Khud ko Dunnya ki Rangeenion aur Gunahon se bachana aur Sawaab aur Naikiyan ikathi krna bhi to aik Hiking expedition se koi kum thorai na he. Intahai Mushkil, Mushaqat wala, aur Sabar ka imtehaan lene wala aik adventure he Jis ko hum ne paar krna he. L...
Read more