Hudal lil Mutaqeen - a Self Assessment Checklist

Jo log Quran ko achi tarah study krty hen, unse aksar aik sawal poocha jata he, “Quran parhny se apko kya milta he?” aur wo jawab dety hen “Sukoon, Khushi, Guidance”. Magar kya hr kisi ke liye Quran guide he? Kya Har kisi ke dil pe Quran asar krta he? Is question ka answer is ayat me h jiski understanding mjhy “Israr-ul-Tanzeel” parh k mili.

Quran Kitaab e Laraib he. Bagahar kisi Shak wali Kitab. Quran k is Aijaz ke baray me hum bachpan se Islamyat ki books me parthy arahy hen so is se hum achi tarah waqif hen. Agay Allah Faramtay hen, Hidayat he ye Taqwa rkhny walo k liye. Darny Walo k liye.

Yahan Hidayat ko relate kia gya h taqwa k sath. Yani Quran sirf Darnay walo k liye Guide he. Aik baat to understood he k Quran Naazil to “Ya-Ayyuhan-Naas” k liye hua h mgr is ayat se ye clear he k iski guidance sirf “Mutaqeen” ko hi allot ki gai he. Hidayat kya he aur Mutaqeen Kon hen, isky liye next aayaat ko parhna parta he.

Agay Aik Checklist di hui h Qualities ki, Wo Qualities Jo Mutaqeen me hoti hen.

Firstly, Jo Ghaib pr Emaan laty hen.
Ghaib me hr wo cheez included he k Jo Human Intelligence se superior he. Jisko hum Dekh nahi skty. Yani Allah, Nizam e Kaynat, Farishty, Jannat o Jaham , Qabar o Hashr k Muamlat. Aur hum is per Emaan kyun latay hen? Iski Beshbaha Daleelain Quran me mojud hen jin me se aik mjhy buht pasand ai he aur wo ye h kyun ky Nabbi Saww ne humain “Ghayb” ki itlaa di he. Ap Saww ki Zaat e Mubarak aur unki Sift-e-Sadaaqat pe to unky dushman tk believe krty thy. Isliye unka sirf ye keh dena k ghayb pe emaan lana chahye, yahi hamary liye kaafi he.

Kisi wali-ullah se aik baar shaytaan ki behs hui k “Allah exist krta he” iski daleel do mjhy. Unho ne 99 daleelain deen, Shaytaan ne 99 counter daleelain de din. Unki 100^th Daleel ka albta Shaytaan koi jawab na de ska aur wo thi k since Nabi Saww ne ye kaha he k Allah exist krta he to mera emaan h k wo exist krta he. Aur Ghayb pe Emaan ka takaaza ye he k Unpe Yaqeen rakha jaye  aur unky baray me koi Shak o Shuba zehn me na any dia jaye.

Secondly, Wo Namaz Qaim krty hen.
Parhny Aur Qaim krny me Farq hota he. Ye Farq humain bachpan me hi btadia jata he. Qaim krna kehty hen, Punctuality k Sath, Tamam key requirements ko follow krty huye Namaz ko parhna. Yahan Wuzoo se Salam tk ki tamam requirements follow krni laazim hen.

Thirdly, Allah k diye huye rizq me se kharch krty hen.
Yahan Aik aur Emaan ko highlight kia gya he Aur wo ye he k Hr Cheez Allah ki di hui he. Kuch Mufasir, Rizq me hr wo cheez include krty hen jo insan ko ata ki gai he. Yani is me Aqal, Ghor o Fikr ki Abitility Sub Shaamil he. Ye sub Allah ki taraf se ata krda he. Aap ko koi Rizq milta h to us me se Sadqa Zakat kro, Ilm milta he to use bhi spread kro, Yahi is ayat ka mafhom h.

Fourthly, Pichlon per Emaan laty hen.
Khud se phly k ambiya aur kitabon pr aur Khud pr Nazil hone waly Nabbi Saww and Quran pr wo Emaan laty hen. Emaan ka kya takaza he? Ye upper likha ja chukka h.

Finally, Akhrat per Yaqeen rkhty hen.
Emman Nahi, Yaqeen. Aur Yaqeen bhu pukhta yaqeen. Yani is “Ghaib” pe aapki saari Zindagi depend krti he. Apki Saari Zindagi ka maqsad hi is ghaib me kamyab hona he. So hr amal me is ghaib ko consider krna, yahi Yaqeen he

5 point Checklist k bad Allah frmatay hen k yahi log hidayat pe hen. Yahi log Kamyab hen. Yani Quran se guidance leni he to “Mutaqeen” me shamil hona parega, Aur Mutaqeen me include hona h to ye 5 qualities create krni he, Aur Once aap ye 5 qualities create krlo to Aap apny rabb ki taraf se hidayat pe ajaty ho, Aap “Muflihoon” me shamil hojaty ho.

Agar Quran parhny se mere dil pe koi asar nahi hota to iska matlb ye h k main in me se koi aik quality miss kr raha hu, main taqwa ikhtyaar krny me fail ho raha hu. Simple si self-assesment checklist di he he Allah ne Surah Baqra ki initial ayaat me.

Talib-e-Dua