Al-Ardha Firaashaa' - The Bed

Kisi bhi cheez ka insaan ko tab faeda milta he jub usy us cheez ko use krna ata ho, us se benefit lena ata ho. Wrna wo cheez usky hathon me reh kr bhi bekaar hoti he. Allah Apni Ayaat me Jahan Naimaton ka zikr krty hen wahan un naimatoon ko use krna, unse humain milne walay fawaid ka bhi zikr krty hen. Jub Asmaan ka Zikr hota he to Sath Baarish ka bhi zikr hota he, Jub Barish ka Zikr hota he to Zameen k Khil Uthny ka Zikr b hota he, Jub Zameen ka Zikr hota he to Us me se ugny walay Phal Phool ka bhi Zikr hota he.

Isi tarah Surah Baqarah ki Ayat 22 ki tafseer parhty huye aik cheez buht achi lagi jo main aap logo k sath share krna chahta hu. Allah Farmata he, “Jis ne Tumhary liye Zameen ko Bichona (Bistar) Banaya”. Is ayat me Word “Firaasha” Use hua h, yaani Farsh, Bistar, Bichona. Aur usko Dunya se relate kia he.

Is ayat ko smjhny k liye aiye, khud se kuch questions poochty hen. Insaan sota kub he? Jub wo thak jaye? Jub Usy Agly Din k liye Tayar hona ho? Jub Usy abhi koi kaam krna ho aur usko apni taqat jamaa krni ho? Theek he, itny saary answers to hum bana skty hen is questions k. Magar is se pehly yahan aik aur Sawal hona chahye k Insaan Sota “Kitna” he? 24 me se kitny ghanty? 7 ya 8 ghanty, Right? Sirf din k teen hisoon me se aik hissa. Bister k sath insaan ka itna hi rishta rehta he. Usny yahan kuch waqt guzar kr phr uth jana hota he, koi kaam krny k liye, Rizq talash krny k liye, kisi maqsad ko hasil krny k liye. Is Bichonay k sath usny sara din nhi guzarna hota. Isy ultimately chorna parta he Agr wo Zinda rehna chahta he. Ab jab k ye establish krlya hum ne to phr se ayat ko dekhty hen.

Is ayat me Dunya ko bistar kaha gya he. Yani yahan hum ne humesha nhi rehna. Yahan hum ne rest krna he. Aur Rest ka hargiz ye mtlb nhi hota k aap koi kaam na kren, tension na len, Naik Amal na kren. Rest ka aik Maqsad hota he, Next Objective k liye khud ko tayar krna, Rest k Baad jo mehnt honi h usky liye apny aap ko mentally and physically ready krna. To Samajh me ye ata he k Hum ne Yahan khud ko ready krna he Agli Manzil k liye. Aur wo he Medaan-e-Hashar aur Agla Jahaan..!

Baat to buht Aam si he, Magar Allah ka is baat ko convey krny ka andaz buht khoob he. Dekhen to sahi k Allah humain kesy realize kra raha he k Apny “Bistaron” ki fikr chor do, ise tum ny chor hi dena he, Apny “Kal k Maqsad” ki tayari kro. Kyun k “Kal” k Din k liye ready hony k liye hi to tumhy ye “Bistar” ata kiye gaye hen. Allah Humen Hidayat Naseeb frmaye.

Talib-e-Dua